Breaking News
Home - National Highlights - Lansman kominote FIAT Sesel demen

Lansman kominote FIAT Sesel demen

Apre ki zot in swiv en formasyon entans lo Levanzil, en group laik in aprezan pare pour lans kominote FIAT isi Sesel.
Sa kominote i en lasosiasyon dyosezen dan Legliz Katolik ki annan konman misyon travay pour form bann laik dan lavi kominoter ek bann valer evanzelik selon Spirityalite FIAT.

Deza sa bann laik ki’n ganny formen in etabli trwa lekip – enn Mahé, en lot Praslin e en trwazyenm La Digue. Zot rol se pour aprezan al dan kominote e edik bann dimoun  lo Levanzil.

Lansman sa nouvo mouvman isi pou fer demen pandan en veye lapriyer ki pou komans 8er diswar kot legliz Bon Paster Mont Fleuri.

Sa veye lapriyer pou termin dan en gran lanmes 5er son landmen granmaten.

Apre sa, Sanmdi le 21 Fevriye sa premye group Seselwa laik FIAT ki’n ganny formen pou fer zot langazman pastoral pandan en gran lanmes Katedral Imakile Konsepsyon avan formelman al konmans zot misyon.

Bann Fiatis sorti Moris ek Madagaskar pou osi la pour koz lo sa mouvman.
Tou dimoun i ganny invite pour vin asiste sa 2 selebrasyon e konn plis lo sa mouvman.

Developers: Cyberwave