Breaking News
Home - news - Alain Ramanisum ek Laura Bèg i promet en bon spektak tanto

Alain Ramanisum ek Laura Bèg i promet en bon spektak tanto

mauriKoup Morisyon Alain Ramanisum ek son madanm Laura Bèg pou donn en spektak ozordi aparti 7er diswar kot Lasal Legzibisyon, Roche Caïman.

Larantre pour sa spektak i gratwi e bann organizater pe demann piblik Seselwa pour vin an gran nonm.

Dan en entervyou avek zournal Seychelles NATION, Alain in dir ki sa spektak pour vreman enn tre o nivo.

«Apre ki nou’n perform pandan en kantite letan Lerop, mon espere ki piblik Seselwa pou vin an gran nonm pour vin partisip dan sa spektak. Nou envit zot tou, bann ki konn nou bann sanson e bann osi ki pa konnen. Sa i ava en fason pour zot dekouver nou lanmizik ek nou bann sanson ki’n Popiler isis Sesel e dan lezot pei,» Alain Ramanisum ti dir zournal Seychelles NATION.

Sa i pa premye fwa ki Alain Ramanisum i peform isi Sesel. I dir nou ki in fer plizyer spektak avan sa enn. Sa i enkli konman en zwer kibord dan group Cassiya e osi solo.

Apre 21-an leksperyans konman en mizisyen e santer, Alain Ramanisum ki’n zwe avek group Cassiya pandan 10-an ‒ depi 1992 ziska 2002 ‒ pou ganny akonpanyen par son group Ravanna Roots pandan sa spektak tanto.

Pour bann ki pa konn Alain Ramanisum ek Laura Bèg la i zot sans pour vin vwar sa de santer Morisyen an aksyon.

Me avan sa, apartir 5er apremidi zot pou kapab apresye talan bann mizisyen dan group Fame akonpanyen par santez popiler Antoinette Dodin, swivi par group Morisyen Chicca Top Model.

Source : Seychelles NATION

Developers: Cyberwave