Breaking News
Home - news - Konsey lapolis an relasyon avek aktivite Festival Kreol

Konsey lapolis an relasyon avek aktivite Festival Kreol

CaptureLapolis in ofer serten konsey an relasyon avek bann aktivite dan kad Festival Kreol ki demare Vandredi.

Lapolis in dir ki zot pe mobiliz maksimonm resours pour bann aktivite prensipal dan kad sa festival e zot pe demann piblik ki letan zot pe desann pour vin bann aktivite pour respekte bann konsiny ki lapolis i donn zot.

Lapolis pe osi demann bann adilt pour pran responsabilite anver zot zanfan anba laz letan ki zot vin dan bann aktivite akoz dan lepase lapolis in rankontre bokou problenm zanfan perdi.

Lapolis pe osi demann manm piblik pour fer sir ki avan zot kit zot lakour, zot landrwa i byen sekirize e osi enform zot vwazen e demande pour zet en regar lo zot lakour.

Manm piblik pe ganny demande pour anmiz dan lord, toutan respektan drwa ek propriete lezot dimoun.

Lapolis pou annan en ‘Common Post’ baze kot karpark Stad Popiler ki vir avek restoran Pirates Arms e si nenport dimoun i rankontre nenport problenm, zot kapab vin kot sa ‘Post’ oubyen telefonn atraver Sant Komann Lapolis ki a refer zot kot sa ‘Post’.

Pour aktivite ‘Dimans Kreol Borlanmer’  ki pou deroul Au Cap le 26 Oktob, an plis ki prezans lapolis regilye, pou osi annan ‘Marine Police’ ek ‘Life Guard’ ki pou etabli en ‘post’ lo lans pour sa zour, osi byen ki SMSA (Lotorite Sekirite Maritim).

Lapolis pe ensiste ki bann paran ek adilt zot vey byen zot zanfan malgre prezans sa bann lazans ki’n ganny mansyonnen.

Developers: Cyberwave