Breaking News
Home - news - Mackdo i lans son premeye albonm avek tit ‘Badd Manners’

Mackdo i lans son premeye albonm avek tit ‘Badd Manners’

Bad-manners-album-coverBadd Manners’ i tit nouvo albonm par Mackdo ki’n fek ariv lo marse.

Sa artis in dir nou ki son non lasenn (stage name) i sorti direk dan son non ki MacDonald Malbrook.
In swazir bann santer parey Jahrimba, Patrick Philoe, King Size, Georgoeus, Xtra Big, Mekanik, Star Kutt, Big Neewaii ek King Kong pour ‘feature’ lo son albonm.

Sa i son premye albonm ki’n pran li 15-an pour realize e i baze lo lavi ek nou pei an zeneral.

In pran sitan bokou letan pour fer sorti sa albonm akoz i ti napa sa sipor finansyel e i ti’n ganny bann pli gro responsabilite ki ti demann son latansyon, me la in pare pour antre dan lendistri lanmizik.

Annefe i ti fer sorti en mixtape an 2009 ki annan pour tit ‘Manrmay Les Mammelles’ an kolaborasyon avek Getto Souljahz e in ganny sans partisip dan bann konser partou dan Losean Endyen avan fer sorti son albonm.

In osi dir ki tit sa albonm i dekri son personalite me toudmenm i pe esey sanz son lavi pour anmenn dibyen dan son lakominote an servan son lanmizik vi ki son rev i pour li vin renonmen lo senn lanmizik e ganny kontra enternasyonal.

E malgre lo son triko i anann lekritir parental advisory explicit content sa artis i dir ki napa nanryen vilger dan son bann sanson, i selman en lekspresyon.

Dan son koleksyon in esey atak diferan lapse lanmizik kot tou dimoun i kapab omwen santi li touse par enn son sanson.

I ti dir ki i pa en tro bon lyricist, me plito en stoudyo e performing artis e dan sa lyen i remersye son bon dalon Jahrimba ki’n ed li ekri son bann sanson.

I osi remersye bann sponsor parey TruVibes, Getto Souljahz production, Cable Tunes, Corina’s Snacks ek iCreativity pour tou zot sipor.

Sa konpilasyon 20 sanson i anvant kot ansyen Kot Do e ki kout 125 ropi me ou kapab ganny ou kopi pour zis 100 roupi avek sa artis li menm.

 

Ralista Hortere

Source : Seychelles NATION

Developers: Cyberwave