Breaking News
Home - news - Victoria i met son labiyman Nwel

Victoria i met son labiyman Nwel

2christTou bann lalimyer ek lezot dekorasyon Nwel dan lavil Victoria ti alimen ofisyelman Sanmdi swar pandan en aktivite dan Peace Park animen par plizyer group enkli Choral and Music Society ek lezot ki ti pe met lanbyans an santan Karol ek lezot sanson Nwel.

Bann dimoun ki ti la pe vin admir bann dekorasyon ti osi asiste e partisip dan Karol.

Mer lavil Victoria Msye David Andre in dir ki tou le wikenn ziska zour Nwel pou annan animasyon enpe partou dan lavil par diferan group ek mouvman pour anmenn sa lanbyans e fer sir lavil i vibran e osi pour anmenn sa lazwa Nwel anmezir ki dimoun i fer fer letour pour rod zot bann kado e fer zot konmisyon pour Nwel ek Lannen.

In demann bann fanmir pour desann dan aswar e osi pandan wikenn pour anmenn zanfan vin vwar bann dekorasyon e tir portre souvenir.

Source : Seychelles NATION

Developers: Cyberwave